Kala Bandar | ಮುಸಿ ಮಂಗ್ಯ | Dehli-6 | Prasoon Joshi

ಗೀತೆ: ಹೇ ಕಾಲಾ ಬಂದರ್
ರಚನೆ: ಶ್ರೀಶ್ರೀಶ್ರೀ ಮೂರ್ಶ್ರೀ ಪ್ರಸೂನ ಜೋಶಿ
ಸಂಗೀತ: ಶ್ರೀಮಾನ್ ಎ ಆರ್ ರಹಮಾನ್
ಗಾಯನ: ಬ್ಲೇಝ್, ಬೆನ್ನಿ ದಯಾಳ್, ತನ್ವಿ ಶಾ, ವಿವಿಯಾನ್ ಚೈಕ್ಸ್, ಕ್ಲೇರ್
ಚಿತ್ರ: ದಿಲ್ಲೀ-6 (2009)
ದಿಗ್ದರ್ಶನ: ಶ್ರೀ ರಾಕೇಶ ಓಂಪ್ರಕಾಶ ಮೆಹ್ರಾ
ಅನುರಣವಾದನ: ಶ್ರೀಶ್ರೀಶ್ರೀ ಮೂರ್ಶ್ರೀ ನಾವುಗಳು

-----------------------------------------------------------------------------------------------------
Disclaimer: ಎಲ್ಲ ಹಕ್ಕುಗಳೂ ಮೂಲದಲ್ಲಿನ ಕೃತಿಕಾರರು-ಹಕ್ಕುದಾರರುಗಳಿಗೇ ಸೇರಿದ್ದು.
ಈ ಪ್ರಸ್ತುತಿಯಿರುವುದು ಸೃಜನೀಯ ಅಭಿವ್ಯಕ್ತಿಯ ಅಭ್ಯಾಸದ ಭಾಗವಾಗವಷ್ಟೇ 
ಹೊರತೂ ಮೂಲಕೃತಿಯ ಯಾವುದೇ ಹಕ್ಕುಗಳನ್ನು ಈ ಮೂಲಕ ಅತಿಕ್ರಮಿಸಲಲ್ಲ.
======================================================== 

=======================================================
ಈ ಸಿನಿಮಾಸಂದರ್ಭವು ನಿಜಜೀವನದೊಂದು ವಿಚಿತ್ರ ಸಿನಿಮೀಯ ವಿದ್ಯಮಾನಾಧರಿತವು:
https://en.wikipedia.org/wiki/Monkey-man_of_Delhi
"ಈ ಮಂಕಿಮ್ಯಾನ್ ಯಾನೆ ಕಾಲಾಬಂದರ್ ಎಂಬುದೊಂದು 2001ರಲ್ಲಿ ದೆಹಲಿಯಲ್ಲಿ 
ವಿಪರೀತವಾಗಿ ವರದಿಯಾದ ನರ-ವಾನರ ರೂಪ/ವೇಷದ ವಿಚಿತ್ರಜೀವಿಯೆನ್ನಲಾದ 
ಉಪದ್ರವಗಳ ಅಂತೆಕಂತೆಗಳ ಬೊಂತೆ..."
ಮೂಲದ ಸಾಲುಗಳು ಓದಲಿಕ್ಕೇ ಬೇಕಪಾಂತಂತಂದ್ರ ಇಲ್ಲಿ ಕ್ಲಿಕ್ಕಿಸಿ ನೋಡಿ.
=======================================================



ಹೇ ಮಸಿ ಮಸಿ ಮಸಿ ಮುಸಿ ಮಂಗ್ಯ
ಹೊರ ಬಂದರss ಒಳಗ್ ಕಂಡ್ಯ
ಹೇ ಮಸಿ ಮಸಿ ಮಸಿ ಮುಸಿ ಮಂಗ್ಯ
ಹುಡಕ್ಕೊಂಡವ ಕಿಂಗ್ ಯಾ  ||ಪಲ್ಲವಿ||
**
ಬರೀ ನಾನಷ್ಟss ಅಲ್ಲಾ ರೀ
ಎಲ್ರೂ ಹುಡುಕಿದ್ ಅಲ್ಲಿ 
ಬರೀ ಒಂದ್ ಮಂಗ್ಯನಾ ರೀ 
ಎಲ್ರೀ ಮುಸೀ ಮಂಗ್ಯ, ಎಲ್ರೀ ಮುಸೀ ಮಂಗ್ಯ,
ಎಲ್ರೂ ಹುಡುಕಿದ್ ಅಲ್ಲಿ ಬರೀ ಮಂಗ್ಯನಾ ರೀ  ||ರ್‍ಯಾಪ್||
**
ಬರ್ರಾ ಕಣ್ಣಡಕವ ಕಾಣ್ವ
ಕಂಣಡಿಯಾ ಕರೆಯಾ ಕಾಣ್ವ
ತಮ್ಮ ತಮದಾ ಖರೇ ಕೋತಿಯ ಕಾಣ್ವ
ನಮದಸಲಾ ಬರಕತಿಯಾ ಕಾಣ್ವ
*
ಮುಸುಕು ಮರೆಯ ಆಳದಾಗ
ರೆಕ್ಕಿ ಬಾವಲಿ ಬಿಚ್ಚಿತ್ತಲೇ
ಝಗಮಗ ಬಿಳಿ ಬಟ್ಟಿಯಾಗ
ಸಸ್ತನೀ ಸತ್ಯ ಸತ್ತಿತ್ತಲೇ 
**
ಹೀರೋ ಹೀರೋ ಸರೀ ಹೀರೋ 
ಲೈಫಿನತಿಸಾರವದು
ಜೋರು ಜೋರು ನೋಡ್ರಾ ಜೋರು
ಎದಿ ಚೂರು ಹಾರ್ವುದು ||ಅನು ಪಲ್ಲವಿ||

***

ಮಂಗನಾಣೆ ಶೇಂಗಾದ್ಹಾಂಗ
ದೆಂಗುವುದು ಸಿಕ್ಕು ಸಿಕ್ಹಾಂಗ
ಸಾಕುಸಾಕು ಅನ್ನೋದು ಬಾಯಾಗ 
ಕೈ ಒಡ್ಡುತ ಮುಂದಕ ಮುಂದ
*
ಒಂದೆ ಜಡೆಯ ಅಕ್ಕಾತಂಗೀ
ಆಸೆಗಳೋ ಬರಿ ನವರಂಗಿ
ನಟಿಸು ಮತ್ತ ನಾಟಕ ಭಂಗಿ
ಧರಿಸೀ ಮೆರಿ ಸುಳ್ಳ ನೂರಂಗಿ 
**
ಹೀರೋ ಹೀರೋ ಸರೀ ಹೀರೋ 
ಲೈಫಿನತಿಸಾರವದು
ಜೋರು ಜೋರು ನೋಡ್ರಾ ಜೋರು
ಎದಿ ಚೂರು ಹಾರ್ವುದು ||ಅನು ಪಲ್ಲವಿ||

***

ಎರಡು ಫೂಟುದ್ದ ಮಂಗ್ಯಾನಂತ ಅಂವ, ನಿಂ ಕಾಲ ಕಚ್ತಾನಂತರೀ!
ಉಕ್ಕಿನಾ ಹಲ್ಲಂತ, ಪ್ಯಾಂಟ ಮ್ಯಾಗ ಸೂಪರ್ಮ್ಯಾನ ಕಾಚಾರೀ!!
{ಹೌದಂತೀನಿ!!!} 
ಮತ್ತ ಮನ್ನಿ ನಂ ಮನೀ ಮೇಲಾ ಹಾರ್ತಿದ್ದ ರೀ!
ಹ್ಯೇ.. ಅಂವ ಮಾಯಾಮಂಗ, ಅಂಜನಾ ಹಾಕ್ ನೋಡಿದ್ಞ ರೀ!!
ಅನ್ಯಗ್ರಹದಾಂಜನೇಯ, ಸೂರ್ಯಂಗ್ ಕೊಟ್ ಮುಖಾ ಸುಟ್‍ಗೊಂಡವಾ ರೀ!!!
{ಅಸಾಧ್ಯ!}
ಹ್ಯೇ. ಆದೊಂದ್ ಮಂಗ್ಯನಂತ ಯಡವಟ್ಟ್ ಎಕ್ಸ್‌ಪೆರಿಮೆಂಟಂತರೀ! 
ಬರ್ಮಾ ಬಝಾರ್ ಐಟಮ್ಸಿಗೆ ಆಟಂಬಾಂಬ್ ಫಿಟ್ಟಿಂಗಂತರೀ!!
ನರ-ವಾನರ-ರೋಬಾಟ ಮಿಕ್ಸ ಸೈಬೋರ್ಗಂತಾರ್ರೀ!!! 
{ಕತಿಯಾತಿದು!}
ಹೋಗ್ಲೀ, ನಿಜ್ಜಾ ಅಂವನ್ನ  ಕಂಡಿದ್ದು ಯಾರ್ರೀ?!
ಯಾರಿಗೊತ್ತು!!
ಮತ್ತ!!! 
ಇವೆಲ್ಲ ಬರೀ ಜಾರಿಕೀ ರೀ...||ರ್‍ಯಾಪ್||
**
ರೀತಿ ರಿವಾಜೆಲ್ಲ ಗಾಳಿಗೆ ತೂರ್ರಲೆ
ನಿಮ್ಮೊಳಗ ನೀವ್ ಇಣುಕೀ ನೋಡ್ರಲೆ
ಎಲ್ಲೋ ಯಾವುದೋ ಕ್ವಾಣೀಯೊಳಗಡೆ
ಕರಿ ಮುಸೀ ಮಂಗ್ಯಾ ಹೊಕ್ಯಾಡೈತಲೆ
*
ಎಷ್ಟು ಪರದೆ ಎಷ್ಟು ಪರದೆ ಎಷ್ಟು ಪರದೆ ಎಷ್ಟು ಪರದೆ 
ಎಷ್ಟು ಪರದೆ ಎಷ್ಟು ಪರದೆ ಎಷ್ಟು ಪರದೆ ಎಷ್ಟು ಪರದೆ 
ಪ್ರತೀ ಪರದೀಯಾ ಹಿಂದಕು ಪರದೀ
ಪರದಿಯ ಹೊರಕೋ ಗರಿಗರಿ ವರ್ದೀ
ಪರದಿಗಳಾಳದಿ ಕೀವಿನ ಶರಧಿ
ಹುಣ್ಣಿವೆ ಕಾಣಿರಿ ಹುದುಗಿದ ವ್ಯಾಧಿ
ಸೆರೆಯುಬ್ಬರಿಸಿ ಬಂದರು ಬೆದಕಿ
ತಿಳಿದೂ ತಿಳಿಯದ ತಿಳಿಯಲೆ ಬದುಕಿ
ಇದು ಹುಚ್ಚುತನವೋ ಇಲ್ಲ ದಡ್ಡತನವೋ
ರಾಜ ಬೀದಿಲಿ ಬೆತ್ತಲೆ ತಿರುಗಿ
ನಿರ್ಲಜ್ಜ ನಶೆಯಲಿ ಬದುಕನು ಮುಗಿಸಿ    
**
ಹೀರೋ ಹೀರೋ ಸರೀ ಹೀರೋ 
ಲೈಫಿನತಿಸಾರವದು
ಜೋರು ಜೋರು ನೋಡ್ರಾ ಜೋರು
ಎದಿ ಚೂರು ಹಾರ್ವುದು ||ಅನು ಪಲ್ಲವಿ||

***

ಈ ಮಂಗಾ ನಂಗಿಷ್ಟಾನಾ, 
ಅದೇನ್ ಬಂದಾಂತೀರ್ರೀ!
ಬದಲಾಗೇ ಹೋತು ನಂ ಜೀವನದ ಪರಿ
ಏನೆಲ್ಲಾ ವ್ಯವಸ್ತಾ ಇಲ್ಲಿ ಅಗೇ ಬಿಡ್ತರೀ
ಎಲ್ಲೆಲ್ಲೂ ಮಸ್ತ ಪೊಲೀಸರಾ ಗಸ್ತ ರೀ 
ಹಾಂಗಾಗಿ ರಾತ್ರಿ ನೋ ವರಿ ಸುಸ್ತ ಮಕ್ಕೋಂತೇವರೀ
ಕರೆಂಟಂತೂ ಹೋಗಾಂಗೇ ಇಲ್ಲ ತಗೋರೀ
ಬಿಗ್ಬಾಸ ಕಣ್ ಮತ್ತ ತಪ್ಸಾಂಗಿಲ್ಲ ನೋಡ್ರೀ!
*
ಮಂಗ್ಯಾನ್ ಸಂಗ ನಂಗ ಹಿಂಗಾ ಇರ್ಲಿ ರೀ
ಮತ್ತ ನನ್ನೇ ಹುಚ್ ಮಂಗ್ಯಾಂತ ಒಳಗ್ಹಾಕಿ ಬಿಟ್ಟೀರಿ! 
ಮಂಗ್ಯಾನ ಹಾವಳಿ ಹಿಂಗಾ ನಡೀತಿರ್ಲೀ ಬಿಡ್ರೀ
*
ಮಂಗ್ಯಾ ಮುಸೀ ಮಂಗ್ಯಾ, ಬಿಟ್ಹೋಗ್ ಬ್ಯಾಡ ಲೇ!
ಮಂಗ್ಯಾ ಮುಸೀ ಮಂಗ್ಯಾ,, ನಿಂ ಕಾಲ್ ಹಿಡಿತೀನಲೇ! ||ರ್‍ಯಾಪ್|| 
**
ಹೀರೋ ಹೀರೋ ಸರೀ ಹೀರೋ 
ಲೈಫಿನತಿಸಾರವದು
ಜೋರು ಜೋರು ನೋಡ್ರಾ ಜೋರು
ಎದಿ ಚೂರು ಹಾರ್ವುದು ||ಅನು ಪಲ್ಲವಿ||



---------------------------------------------------------------------------------
ಕೊಸರು: ಏನಂದರೂ ಮೂಲತಃ ಜಾಹೀರಾತು-ಜಿಂಗಲ್ಲುಗಳ ದುನಿಯಾದ ಪಕ್ಕಾ ವೃತ್ತಿಪರನಾಗಿದ್ದ ಈ ಸಿನಿಕವಿಯು, 
ಈ ಮುಂಚೆ ಹಾಗೆ "ನರನರನೊಳಗಡೆಯೊಂದೊಂದು  ಕರಿಮಂಗನಿದ್ದಾನೆ' ಎಂದು ಕಾಣಿಸಿದ್ದವನಿಗೆ
, "ನರೇಂದ್ರನೊಳಗಡೆ ಎಲ್ಲ ಜವಾಬ್ದಾರಿಗೂ 'ಕೈ'ಕೊಟ್ಟು ಜೋಳಿಗೆಯೆತ್ತಿ ನಡೆದುಬಿಡುವ  ಬರಿ ಫಕ್ಕೀರನಿದ್ದಾನೆ" 
ಎಂಬ ಮುಂಗಾಣ್ಕೆಯನ್ನು ಝೆನ್ ಕೂಲ್ ಆಗಿ ಸಾಕ್ಷಾತ್ ನರೇಂದ್ರನೆದುರಲೇ ನೇಂದ್ರ ಕದಳೀ ಸುಳಿದಾನಂದಿಸುವಂದದಿ
 ಜಗಜ್ಜಾಹೀರುಗೊಳಿಸಲು ಸಾಧ್ಯವಾಗಿದ್ದುದು, ಇಂದಿನ ಜೇನ್-ಝೀ ಜಿರಳೆಗಳಿಗೀತಲೂ ತಲೆಮಾರಿನಷ್ಟು  ಹಿಂದೆಯೇ 
ಎಂಬುದನ್ನು ಇಲ್ಲಿ ನೆನೆಯಲು ಅದೆಷ್ಟು ಅಭಿಮಾನ ಉಕ್ಕಿ ಬರುತ್ತಿಲ್ಲ ಹೇಳಿ!!!

ವಿ.ಸೂ.: ಇದೇನಿದು ಮಂಗನಿಂದ ವಿಕಾಸವಾದ ಮಾನವನ ಹೊಸ ತಳಿಮಾರು ಬಿಳಿಜಿರಲೆಗಳಾಗಿರುವ 
advanced e-ಕಾಲದಲ್ಲಿ, ಪುನಃ ಮಾನವನಲ್ಲಿ ಮಂಗನನ್ನ ಕಾಣಲು ಹಿಂದಿರುಗಬೇಕಾ 
ಎಂದು ಬೇಸರಿಸಿದಿರಾ? ಚಿಂತೆ ಬೇಡ! ಈ ಕರಿಮಂಗನನ್ನು ಆ ಬಿಳಿಜಿರಲೆಯಾಗಿ ಕಾಫ್ಕಾನಂದದಿ 
ರೂಪಾಂತರಿಸುವ ಆಪರೇಷನ್ನನ್ನೂ ಮೂರ್ಶ್ರೀ ನಾವುಗಳು ಶೀಘ್ರ ಕೈಗೊಳ್ಳಲಿದ್ದೇವೆ, ಕಾಯಿರಿ!!! 
---------------------------------------------------------------------------------

Hawa Hawa | ಚಕ್ಕರ್ದಂತೆ ಪಾದ | RockStar | Irshad Kamil

ಗೀತೆ:        ಹವ ಹವ
ಗೀತಕಾರ:  ಇರ್ಷಾದ್ ಕಮೀಲ್
ಸಂಗೀತ:   ಎ ಆರ್ ರಹಮಾನ್
ಚಿತ್ರ:         ರಾಕ್‍ಸ್ಟಾರ್ (೨೦೧೧)
ನಿರ್ದೇಶಕ: ಇಂತಿಯಾಜ್ ಅಲಿ
ಅಣುವಾದನ: ಶ್ರೀಶ್ರೀಶ್ರೀ ಮೂರ್ಶ್ರೀ ನಾವುಗಳು


---------------------------------------------------------------------------------------
ಎಲ್ಲ ಹಕ್ಕುಗಳೂ ಮೂಲದಲ್ಲಿನ ಕೃತಿಕಾರರು-ಹಕ್ಕುದಾರರುಗಳಿಗೇ ಸೇರಿದ್ದು.
ಈ ಪ್ರಸ್ತುತಿಯಿರುವುದು ಸೃಜನೀಯ ಅಭಿವ್ಯಕ್ತಿಯ ಅಭ್ಯಾಸದ ಭಾಗವಾಗವಷ್ಟೇ 
ಹೊರತೂ ಮೂಲಕೃತಿಯ ಯಾವುದೇ ಹಕ್ಕುಗಳನ್ನು ಈ ಮೂಲಕ ಅತಿಕ್ರಮಿಸಲಲ್ಲ.
================================================= 

==============================================

This song is said to be a narration of a version of a popular European folktale: 
https://www.humanpotential.school/class/princess-with-twelve-pairs-of-golden-shoes

... of  which there actually are many versions and variations:
https://en.wikipedia.org/wiki/The_Twelve_Dancing_Princesses

 It also mirrors the Rockstar's heroine's story to some extent...

==============================================
 

ಚಕ್ಕರ್ದಂತೆ ಪಾದ ರೊಂಯ್ಯ ರೊಂಯ್ಯ ಅಯ್ಯಯ್ಯೊ
ಆಗಸ ತಲಿಸುತ್ತ ಸುತ್ತಿತಯ್ಯೊ 
ಮತ್ತ ನಾವು ಕೇಳಿದ್ವಯ್ಯಯ್ಯಯ್ಯಯ್ಯೋ
ರಾಣಿ ತಿರುಗ್ತಾಳ ಬೆಳ್ಳ ಕಾಲ ಬೆಳ್ಳಗ ಹೊಳ್ಳಿಸಿ

ಚಕಚಕಚಕ ಚಮಕೀ ಚುಕ್ಕಿ
ರಾಣೀ ಮತ್ತ ಕಾಲೀಗೆ ಬುದ್ದಿ
ಹೋದವ್ಳು ಸವೆಸ್ಯಾಳ ಹೊಳ್ಳಿ
ಒಂದ ರಾತ್ರಿ ಹನ್ನೆರಡೊ ಚಪ್ಲಿ 

ರಾಜನಿಗೋ ಸ್ಥಿಮಿತ ತಪ್ಪಿ
ಕರೆಸಿದನೊ ಖಬರಿಯಪ್ಪಿ
ಇದೇನ್ ಮಷ್ಕಿರಿಯಪ್ಪಪ್ಪೋ ಹ್ಹೋ..
ಹೋಕ್ಕಾಳೆಲ್ಲಿಗಾ ನೋ..ಡೋ..

ಕದ್ ಬೆನ್ ಬಿದ್ನೋ.. ಅಂವ
ರಾತ್ರಿ ರಾಣೀಯೊ ಭಗದೊಳಗ
ಧಗಧಗನಾ ನಡಿಯೂದ ಕಂಡಾ (ಹ್ಹೋ)

ಹವಾ ಹವಾ ಹವಾ ಹವಾ
ಹವಾ ಹವಾ ಹವಾ ಹವಾ
(ಓಹ್ ಹ್ಹೋ)

ಬೆಂಕೀದೇನ್ ಜ್ವಾಲೆ  (ಓಹ್ ಹ್ಹೋ)
ರಾಣಿದೇನ್ ಜಾಲವೆ (ಓಹ್ ಹ್ಹೋ)
ಕುಣಿಯೋದು ಥಕ ಥಕ (ಓಹ್ ಹ್ಹೋ)
ನಾಗರ ನಶೆ ಪಕ್ಕಾ (ಓಹ್ ಹ್ಹೋ)

ಖಬರೀ ಗಾಬರಿಬಿದ್ದ  (ಓಹ್ ಹ್ಹೋ)
ಹೊಳ್ಳಿಸಿದ ಪಾದ! (ಓಹ್ ಹ್ಹೋ)
ಎದ್ದೂ ಬಿದ್ದೂ ಬಡಬಡಿಸಿದನವ 
ಅವ್ವ ಅವ್ವ
ಹವಾ ಹವಾ! ರಾಣಿ ಹವಾ!!
ಹವಾ ಹವಾ, ಹವಾ!!!

ಕುಣಿಸ್ಯಾಳ ಆ ಪಾದಾನಾ 
ಬಿಡು ಸಿಪಾಹಿಗಳೇನ ತಾನ  
ಓಹೋ ಬಜಾನ ಗಾನ 
ಕಾಣೆ ನಿಲ್ಲಲ್ಲಾ ಪಾದ 
ವಾಹ ಆ ಹಾವ ಭಾವ! 
ವಾಹ ವಾಹ

ಹವಾ ಹವಾ 
ಎಗ್ಗ್ ಸಿಗ್ಗಿಲ್ಲ 
ಹವಾ ಹವಾ 
ನಿಲ್ಲಲ್ಲ ಮತ್ತ 
ಪಾದ ಪಾದ ಪಾದ

ರಾಜ ಉರಿಬಿದ್ದ
ದಿನಾ ರಾತ್ರೀನು
ಜೋಡು ಹನ್ನೆರ್ಡ ಸವೆಸ್ಯಾಳ ರಾಣಿ
ಕತಿ ಆಗೈತಿ ಹಿಂಗೆಲ್ಲಾ

ಹವಾ ಹವಾ 
ಹವಾ ಹವಾ 
ಪಾದ ನಿಲ್ಲೋಲ್ಲ ಯಾರಪ್ಪಣೆಗೂ
ಇವು ತಿರುಗ್ತಾ..ವೆ 
ಕುಣೀತಾ..ವೆ
ಅತ್ತಾಗಿತ್ತಾ ಎತ್ತ ಎತ್ತ ಮಸ್ತೀ ಲೆ


ಪಿತ್ತ ನೆತ್ತಿಗೇರಿ ರಾಜನಂತೂ ಅಂದ
ಓ ರಾಣಿ, ಯಾಕ್ಹಿಂಗ ಮಕ್ಕುಗಿದೀ 
ಮೂಗು ಮುರಿದೀ ಸ್ವಾಟೆ ತಿರುವಿದೀ
ನನ ಮರ್ಯಾದಿ ಬಜ್ಜಿ ಹುರಿದೀ
ಇವತ್ತಿಂದ ಬಂದ್ ನಿಂದೆಲ್ಲ ಓಡಾಟ 

ಅದ ಕೇಳಿ ರಾಣಿ ನಕ್ಕು ಹಿಂಗಂದಳು
ಓ ರಾಜ, ಚಿನ್ನದಾ ಗೋಡೆ ಗೋಳು 
ಎನ್ನನೆಂದು ಖುಷಿಯಾಗಿಡವು
ಬಿಡುಗಡೆಗೆ ನಡೆಸೆನ್ನನು
ಓ ಯನ್ನ ದೇವಾ..
ತೆಕ್ಕೋ ಯಲ್ಲ ದೌಲತ್ತನು 
ಬಿಟ್ಟುಬಿಡೋ ಯನ್ನನು  
   
ಹವ ಹವ
ಹವ ಹವ

ಹಿಂಜರಿದು ಹಿಂದಕ್ಕ ಮುಚ್ಚು ಮರೇಲಿ
ಮಾಡದಿದ್ದೇನದು ಮಂದೀ ಮಂದೇಲೀ
ಮೈಮನ ಮರೆತು ಸ್ವಚ್ಛಂದ ಛಂದದಿ
ಕುಣಿದಾಳವಳು ತನ್ನಯ ಗುಂಗಲ್ಲಿ

ತನ್ನದೇ ರಂಗು ರಂಗ ಭಂಗಿ
ಹಂಗಿಲ್ಲ ಲಜ್ಜಿ ಒಜ್ಜಿ ಹೆಜ್ಜಿ
ಕುಣಿದಾಳು ಥಕ ಥೈ ಥೈ ಗೆಜ್ಜಿ 
ನರ್ತಿಸುತ್ತ ಸುತ್ತಿ ಸುತ್ತಿ ಸುತ್ತಿ
ಹೋದಳು ಸುಳಿಗಾಳಿ ಹಾಂಗ

ಹವಾ ಹವಾ
ಹ್ಹೊ ರಾಣಿ ಹವಾ 
ಪಾದ ನಿಲ್ಲಲ್ಲ ...
ನಿಲ್ಲೊಲ್ಲ ಯಾರಪ್ಪಣೆಗೂ
ಇವು ಸುತ್ತುತಾವೆ
ಕುಣಿಯುತ್ತಾವೆ
ಅಲ್ಲಿ ಇಲ್ಲಿ ಎಲ್ಲಿ ಎಲ್ಲೆಲ್ಲು ಪಾದ
ಚಕಚಕಚಕ ಚಮಕೀ ಚುಕ್ಕಿ
ಚಮಕೀ ಚುಕ್ಕಿ
ಚಮಕೀ ಚುಕ್ಕಿ

ಹವಾ ಹವಾ
ಹವಾ ಹವಾ
ಹವಾ ಹವಾ

=====================================
ಇಲ್ಲಿ ಪ್ರಸ್ತುತಿಯಾಗಿರುವ ಯೂರೋಪಿನ ಹಳೇ ಜನಪದ ಕಥೆ: 
 ಒಂದಾನೊಂದು ದೇಶಕಾಲದಲ್ಲಿ ಓರ್ವ ರಾಜ ಚಿಂತಾಕ್ರಾಂತನಾಗಿದ್ದಾನೆ. ಅವನ ಮಗಳು ಯುವರಾಣಿಯ ಡಜನ್ ಚಿನ್ನದ ಬೂಟುಗಳು ಅದು ಹೇಗೋ ಪ್ರತೀ ರಾತ್ರಿ ಸವೆಯುತ್ತಿವೆ. ಏನು ಮಾಟಮಂತ್ರವೋ ಏನೋ.. ರಾತ್ರಿ ಅವಳು ಡಜನ್ ಬೂಟುಗಳನ್ನು ಕೊಳಾಯಿಸಿ ಹಾಗೆ ಗುಟ್ಟಾಗಿ ಎಲ್ಲಿಗೋ ಹೋಗುತ್ತಿದ್ದಾಳೋ ಏನೋ.. ಯಾರನ್ನೋ ಕೂಡುತ್ತಿದ್ದಾಳೋ ಮತ್ತಿನ್ನೇನೋ.. ಅದೇನು ಕಥೆ ಎಂಬುದನ್ನು ಪತ್ತೆಮಾಡಲು ಅದ್ಯಾಕೋ ಬಂದ ಯಾವ ಜಾಸೂಸಿ-ಖಬರಿಗಳಿಂದಲೂ ಸಾಧ್ಯವಾಗುತ್ತಿಲ್ಲ.... 
ಕೊನೆಗೆ ನಮ್ಮ ಹೀರೋ--ಒಬ್ಬ ಹದಿಹರೆಯದ ಹೊಸ ಸೈನಿಕ--ಎಂಟ್ರಿ ಕೊಡುತ್ತಾನೆ. ಅವನ ಬಳಿ ಯಾವುದೋ ಜಕ್ಕಿಣಿ ಇನ್ನೊಂದಾವುದೋ ಕಥೆಯ ಕೊನೆಗೆ ಮೆಚ್ಚಿ ಹರಸಿ ಕೊಟ್ಟ ಕೆಲವು ಮಾಂತ್ರಿಕ ಕೊಡುಗೆಗಳಿವೆ. ಅದರಲ್ಲಿ ಅವನನ್ನು ಅದೃಶ್ಯ ಮಾಡಬಲ್ಲ ಒಂದು ಮಾಯಾಟೋಪಿಯೂ, ಯಾವುದೇ ಲೋಕದಲ್ಲಿಯೂ ದಾರಿ ತೋರಿಸಬಲ್ಲ ಒಂದು ಮಾಯಾದಂಡವೂ, ಮತ್ತಿನ್ನೇನೇನೋ ಎಲ್ಲ ಇವೆ... 
ಹಾಗೊಂದು ರಾತ್ರಿ ಕಾವಲಿಗಿದ್ದ ಇವನಿಗೆ ಮತ್ತು ಬರಿಸುವ ವೈನ್ ಕೊಟ್ಟು ಅವಳು ಒಂದು ಗುಪ್ತ ಭೂಗತ ಲೋಕಕ್ಕೆ ತೆರಳುತ್ತಾಳೆ. ಅದನ್ನು ಕುಡಿದು ಬಿದ್ದಂತೆ ಹುಸಿ ನಟಿಸಿದ ಅವನು, ಜಾಗರೂಕತೆಯಿಂದ ಅದೃಶ್ಯರೂಪದಲ್ಲಿ ರಾಜಕುಮಾರಿಯನ್ನು ಹಿಂಬಾಲಿಸುತ್ತಾನೆ. ಆ ಹಾದಿಯಲ್ಲಿ ಅವನು ಕ್ರಮವಾಗಿ ಬೆಳ್ಳಿ, ಬಂಗಾರ, ಮತ್ತು ವಜ್ರಗಳ ಮೂರು ಕಾಡುಗಳನ್ನು ನೋಡುತ್ತಾನೆ.. ಹುಶಾರಾಗಿ ಕೆಲವು ಸಾಕ್ಷ್ಯಗಳನ್ನೂ ಸಂಗ್ರಹಿಸುತ್ತಾನೆ. ಆ ಕೊನೆಯಲ್ಲಿ ಅವಳು ತನ್ನ ಹನ್ನೆರಡು ಜೋಡಿ ಬೂಟುಗಳು ನಜ್ಜುಗಜ್ಜಾಗುವವರೆಗೆ ಒಂದು ದಯ್ಯದೊಂದಿಗೆ ಅಗ್ಗಿಷ್ಟಿಕೆಯ ಸುತ್ತ ನರ್ತಿಸುವ ಭಯಂಕರ ದೃಶ್ಯ ನೋಡುತ್ತಾನೆ. ಜಾಗರೂಕತೆಯಿಂದ ಸಾಕ್ಷ್ಯಗಳೊಂದಿಗೆ ಅಲ್ಲಿಂದ ಸುರಕ್ಷಿತವಾಗಿ ಮರಳಿ, ರಾಜನಿಗೆ ಇದನ್ನೆಲ್ಲಾ ವರದಿ ಮಾಡುತ್ತಾನೆ. 
ಶಿಕ್ಷೆಯಾಗಿ ರಾಜನು ಆ ರಾಜಕುಮಾರಿಯನ್ನು ಅರಮನೆಯಲ್ಲೇ ಗೃಹಬಂಧನದಲ್ಲಿರಿಸಲು ಬಯಸುತ್ತಾನೆ. ಆದರೆ ರಾಜಕುಮಾರಿ ರಾಜನಿಗೆ ತಾನು ಅರಮನೆಯನ್ನೇ--ಅಂದರೆ ಸಿಂಹಾಸನದ ಮೇಲಿನ ತನ್ನ ಹಕ್ಕನ್ನೇ ತ್ಯಜಿಸುತ್ತೇನೆ ಎನ್ನುತ್ತಾಳೆ. ಬದಲಿಗೆ ನೃತ್ಯ ಮಾಡುವ ತನ್ನ ಸ್ವಾತಂತ್ರ್ಯವನ್ನ ಬೇಡುತ್ತಾಳೆ. ನೋಡುನೋಡುತ್ತಿದ್ದಂತೆಯೇ ಅವಳು ನರ್ತಿಸುತ್ತ ಹೊಗೆಸುರುಳಿಯಂತೆ ಗಾಳಿಯಲ್ಲಿ ಕರಗಿ ಮಾಯ!

----------------------------------------------------------

ಕೊಸರು:  ನೆನಪುಗಳು ಬಲು ಖತರ್ನಾಕು ಕಣ್ರೀ! ಹಿಂದಿನ ದಶಕದಲ್ಲಿ ನಾವುಗಳೂ ಮತ್ತು ನಮ್ಮ ಶ್ರೀಮಾನ್ ಪುರೋಹಿತರೂ ಒಂದು ಸಮ್ಮೇಳನದ ನೈಮಿತ್ಯದಲ್ಲಿ ಒಟ್ಟೊಟ್ಟಿಗೆ ಪ್ರಾಹದಲ್ಲೆಲ್ಲಾ ನೋಡಾಡಿಕೊಂಡು ಬಂದವರು, ಅದರದೆಲ್ಲಾ ಫೋಟೋ-ವೀಡಿಯೋ ಕೇಳಿದವರಿಗೆ ಮಾತ್ರ ಉಲ್ಟಾ ನಕರಾ ಹೊಡೀತಿದ್ದೆವು. "ಹೋಗಿಬಂದ ನಮ್ಮ ಶಿಫಾರಸಿನ ಮೇರೆಗೇ ಪ್ರಾಹದಲ್ಲಿಯೇ ಈ 'ಕಲ್ಲತಾರೆ'ಯ ಗಾಥೆಗಳ ಚಿತ್ರೀಕರಣವಾಗಿದೆ.. ಈ ಗೀತಗಳನ್ನು ಯೂಟ್ಯೂಬಿನಲಿ ನೋಡಿದರೆ ಸಾಕು! -- ನಮ್ಮನ್ನು ಫೋಟೊ ವೀಡಿಯೋ ಎಂದು ಕೇಳದಿರಿ.." -- ಎಂದು ಒಂದಿಷ್ಟು ಕಾಲ ಪುಂಗಿದ್ದೆವಂತ ನೆನಪು. ಈಗ ನೋಡಿದರೆ, ಅರೆ ಆ ಸಿನಿಮಾ ಬಂದದ್ದು ನಮ್ಮ ಪ್ರಾಹ ಭೇಟಿಗೂ ೩ ವರ್ಷ ಮುಂಚೆಯೇ! ಹಾಡುಗಳು ಬಿಡುಗಡೆಯಾದಾಗಲೇ ಒಂದೇಟಿಗೇ ಅಭಿಮಾನಿಗಳಾಗಿದ್ದು ಸ್ಪಷ್ಟ ನೆನಪು. ಆದರೂ ಹೀಗೇಕೆ ಕರ್ರಪ್ಟಾಗಿದೆಯಲ್ಲ ನಮ್ಮ ಮೆಮೊರಿ ಕಾರ್ಡು...!

ಕಂನಡಿ..ಘಾ?!

ಕುರಿತೋದದೆಯುಂ ಕಾವ್ಯಪ್ರಯೋಗಪರಿಣತಮತಿಗಳ್!

ಬಿಡಿಸರಿಯದೆಯುಂ ಟೀಕಾಮೆಚ್ಚುಗಪರಿಣತಮತಿಗಳ್?!

ತೆರೆದ್ನೋಡದೆಯುಂ ಸಿನಿಮಾನಿಶೇಧಪರಿಣತಮತಿಗಳ್!?! 

Laakad Jal Ke | ಎದಿಯುರಿಸಬ್ಯಾಡಿರೋ ಲೇ | Omkara | Othello

ಕಟ್ಟಿಗಿ ಉರಿದು ಕೆಂಡವಾಕೈತೋ
ಕೆಂಡವಾಕೈತೊ
ಬೂದಿ
ಎದಿ ಉರಿದರೇನಾಗತೈತೊ
ಹೊಗಿಯಿಲ್ಲ ಬೂದಿಯಿಲ್ಲ 
ಎದಿ ಉರಿಸಬ್ಯಾಡಿರೋ ಲೇ 
ಹಾಯೇ
ಎದಿ ಉರಿಸಬ್ಯಾಡಿರೋ ಲೇ 


ಬರ್ಫ ಕರಗಿ ನೀರಾಗತೈತೋ
ನೀರ್ಮೋಡವಾಗಿ ಹಾರಿ ಹೋಕೈತೋ
ನೋವು ಎದಿಯಾಗ ಹಿಂಗ ಕುಂತೈತೋ ಕುಂತು
ಕುಂತೈತೋ ಕುಂತು ಕುಂತೈತೋ ಹಿಂಗ ಕುಂತs ಐತೋ
ಕರಗಾಕಿಲ್ಲೋ ಹರಿದೋಗಾಕಿಲ್ಲೋ..
*
ನದಿಯಾಗ ಕೊಚ್ಚಿ ಹೊಂಟಾರೆ ತೀರಕ್ಕ
ಕೂಗಿ ಕರಿಬ್ಯಾಕೋ ಬಿಡದಾ ಕರಿಬ್ಯಾಕೋ
ಹೋ ..
ಎದಿ ಉರಿಸಬ್ಯಾಡಿರೋ ಲೇ...


ಹುಸಿವಚನ ಎಲ್ಲ ಮಾತೂ
ಹಾಯ್
ಹುಸಿವಚನ ಎಲ್ಲ ಬರಿ ಮಾತೂ
ಒಂದು ಋತು ಮಳಿ ನೀರು
ಸುರಿದು ಸುರಿದು ಎಲ್ಲ ಹರಿದ್ಹೋಕೈತೋ
ಎಲ್ಲ ಹರಿದ್ಹೋಕೈತೋ 
ಕಣ್ಣಿಂದ
ಜೀವ ಸೆಲೆಯೂ..
*
ಮಳಿಯಿಂದೀ ದಾಹ ಎಲ್ ತೀರತೈತೋ
ಜೀವ ಹಚ್ಚಬ್ಯಾಡೋ  ಎದಿ ಹಚ್ಚಬ್ಯಾಡೋ  ಲೇ..
ಹೋ ...
ಎದಿ ಉರಿಸಬ್ಯಾಡಿರೋ ಲೇ...
ಎದಿ ಹಚ್ಚಬ್ಯಾಡಿರೋ ಲೇ...
ಎದಿ ಉರಿಸಬ್ಯಾಡಿರೋ ಲೇ
ಹಾಯೇ

Pal Pal Dil ke Paas | ಪ್ರತೀ ಕ್ಷಣ ಎದಿ ಸನಿಹಾ | Dharam Tribute

ಕ್ಷಣ ಕ್ಷಣ ಎದಿ ಸನಿಹಾ
ನೀನಿರತೀಯ
ಬದುಕಲ್ಲಿದs ದಾಹ
ಹೀಂಗನತೀಯ


ಪ್ರತಿ ಸಂಜಿ ಕಣ್ ಎದುರು
ನಿನ್ನ ಸೆರಗು ಹಾರತೈತಿ
ಪ್ರತಿ ರಾತ್ರಿ ನೆನಪುಗಳ
ಮೆರವಣಿಗಿ ತರತೈತಿ
ನಾ ಉಸಿರು ತಕ್ಕೋತೀನಿ
ನಿನ ಪರಿಮಳ ಬರತೈತಿ
ಒಂದ ಸುಗಂಧ ತುಂಬಿದಂತ
ಸಿಹಿಗಾಳಿ ತರತೈತಿ
ನನ ಹೃದಯದ ಬಡಿತ ಕೂಡ
ನಿನ ಗೀತಿ ಹಾಡೈತಿ ...

ಪ್ರತೀ ಕ್ಷಣ ಎದಿ ಸನಿಹಾ
ನೀನಿರತೀಯ
ಬದುಕಲ್ಲಿತ್ತು ದಾಹ
ಅಂತನತೀಯ


ನಿನ್ನೆ ನಿನ್ನನ ನೋಡಿದ್ದೆ
ನಾನೆನ್ನಾ ಅಂಗಳದೀ
ಬಂಧಿಸು ಅನುತಿದ್ದೀ
ನೀ ಬಾಹುಬಂಧನದೀ
ಇದು ಎಂಥಾ ಸಂಬಂಧವೊ
ಇವು ಎಂಥ ಕನಸುಗಳೊ
ದೂರವಿದ್ದರು ಕೂಡಾ
ನಮ್ಮವರಾ ಅನಿಸೋದು
ನಾ ಯೋಚಿಸ್ತಾ ಇರತೀನಿ
ನಡು ನಡುಗುತ್ತ ಅನತೇನಿ

ಕ್ಷಣ ಕ್ಷಣ ಎದಿ ಸನಿಹಾ
ನೀನಿರತೀಯ
ಬದುಕಲ್ಲಿದs ದಾಹ
ಹೀಂಗನತೀಯ


ನೀ ಯೋಚಿಸ್ತೀ ಯಾಕ
ನಾನಿಷ್ಟ ಪ್ರೀತಿಸತೀನಿ
ನೀ ತಿಳಿದಿದೀ ನಾ ಹುಚ್ಚ
ಅದ ನಾನೂ ಒಪ್ಪತೀನಿ
ಹುಚ್ಚರ ಈ ಮಾತ
ಹುಚ್ಚರೇ ತಿಳಿತಾರ
ಉರಕೊಳೋದರ ಮಜಾ
ಪರವಶರೇ ತಿಳಿದಾರ
ನೀ ಕಿಚ್ಚ ಹಚ್ಚುತನಾ ಇರು
ಬಂದ ಬಂದ ಎದಿಯಾಗ!

ಮತ್ತೆ ಜರುಗಲಿ | Aur Ho | RockStar | ವಿವಶತಾ ನಿರೂಪ | Irshad Kamil

Film: Rockstar (2012)
Song: Aur Ho / Meri Bebasi ka Bayan Hai
Lyricist: Irshad Kamil
Singer: Mohit Chauhan
Composer: AR Rahman
Directer: Imtiyaz Ali

ವಿವಶತಾ ನಿರೂಪ

ಎನ್ನ ವೈವಶ್ಯದೀ ಒಪ್ಪಿಕೆಯು
ವಶವಿಲ್ಲವೀಕ್ಷಣ ಗತಿಸುವುದು

ಹಪಹಪಿಯಾ ರಸ ಹಿಂಡೇನು
ಹಸಿತೋಳಲೀ ಬಾ ಮುರಿದೇನು

ಬಯಸಲಿ ನಾ ಮತ್ತೇನು
ಕಿತ್ತುಕೊಳ್ಳೇನು, ಬಿಟ್ಟೂಬಿಡೆನು

ಈ ಘಳಿಗೆ ಮಾಡಲಿ ನಾನೇನು
 
ಈ ಘಳಿಗೆಗೆ ನಾನೇನು ಮಾಡ್ವುದು ಎನ್ನ ನೆಮ್ಮದಿಗೆ ನಿರಾಳತೆಗೆ


ಮತ್ತೆ ಜರುಗಲಿ, ಮತ್ತೆ ಜರುಗಲಿ, ಉಸಿರುಗಳ ಉಜ್ಜಾಟ ಜರುಗಲಿ
ಜ್ವಾಲೆಯು ಮತ್ತೇಳಲಿ
ಮತ್ತೆ ಜರುಗಲಿ, ಮತ್ತೆ ಜರುಗಲಿ, ಉಸಿರುಗಳ ಉಜ್ಜಾಟ ಜರುಗಲಿ
ತಾಪವೂ ಮತ್ತೇರಲಿ
ಮತ್ತೆ ಜರುಗಲಿ, ಮತ್ತೆ ಜರುಗಲಿ, ಮತ್ತೆ ಸೇರುವ ನಾವು
ಮತ್ತೂ ಸುಟ್ಹೋಗುವ

ನಿನ್ನ ಕೂಡುವೆನು ನಾ ಮೊದಲಾಸಲ
ಪ್ರತಿಸಲ

ಎನ್ನ ವೈವಶ್ಯದ ನಿರೂಪವು


ಕಿತ್ತುಕೊಳ್ಳಲೇ ನಿನ ಬಿಟ್ಟುಬಿಡಲೇ
ಈ ಘಳಿಗೆ ನಾ ಏನನು ಮಾಡಲೇ
ಈ ಘಳಿಗೆಗೆ ನಾನೇನು ಮಾಡಲಿ ಎನ್ನ ನೆಮ್ಮದಿಗೆ ನಿರಾಳತೆಗೆ


***


ಹಪಹಪಿಯಲಿ ನಾನಾದೆನು ಕಗ್ಗಂಟೇ
ಬಿಡಿಸಿಕೊಳ್ಳೇ ಹೋ

ನಾ ತಟ್ಟುವುದೆ ನೀ ಮುಚ್ಚಿದ ಬಾಗಿಲೇ
ತೆರೆದುಕೊಳ್ಳೇ ಹೋ

ಈ ವಿವಶ ಮನದ ವಶ ಬಾ ಜೀವಂತ ಜೀವಿಸಿ ಜೀವಿಸು ಸ್ವಪ್ನವ

ಮತ್ತೆ ಜರುಗಲಿ, ಮತ್ತೆ ಜರುಗಲಿ, ಉಸಿರುಗಳ ಉಜ್ಜಾಟ ಜರುಗಲಿ
ಜ್ವಾಲೆಯು ಮತ್ತೇಳಲಿ
ಮತ್ತೆ ಜರುಗಲಿ, ಮತ್ತೆ ಜರುಗಲಿ, ಉಸಿರುಗಳ ಉಜ್ಜಾಟ ಜರುಗಲಿ
ತಾಪವೂ ಮತ್ತೇರಲಿ
ಮತ್ತೆ ಜರುಗಲಿ, ಮತ್ತೆ ಜರುಗಲಿ, ಮತ್ತೆ ಸೇರುವ ನಾವು
ಮತ್ತೂ ಸುಟ್ಹೋಗುವ


***


ನಿಲಿಸಲೂ ನಿಲಲಾರದು
ಇದು ದಣಿಯಲಾರದು
ಉಸಿರುಗಳದೀ ಬಿರುಗಾಳಿಯು
ಸುಳಿದಾಡ್ವುದು

ಸುಳಿವು ಸಹ ನೀಡದು
ಎಲ್ಲದು ಏನದು ಸುಡುವುದು
ನಡುನಡುಗಿ ನಡೆನುಡಿಯು
ಛಳಿಜ್ವರವೊ ಹಪಹಪಿಯು
ಕೆಂಡದಂತೆ ಒಳ ಉರಿಯು

ನಿಗಿನಿಗಿಯುರಿಯುತ ಧಗೆಧಗೆಯು
ಮೈಮನ ಮುಚ್ಚಿದೆ ಹೊಗೆಹೊಗೆಯು

ಎನ್ನ ವೈವಶ್ಯವೆ ಈ ದೃಶ್ಯವು
ಎನ್ನ ವೈವಶ್ಯವೆ ಈ ದೃಶ್ಯವು
ಎನ್ನ ವೈವಶ್ಯವೆ ಈ ದೃಶ್ಯವು

=========================================

UI -- What Isn't ThereIn Between

UI
User Interface to Uppimaniasm
Homagic ode to his high anthem
-:ದಕ್ಷಿಣೆಯುತ್ತರ:-

what does not lie
what does not lie
between U and I
what does not lie
does naught at all lie


not the truth
sembling lie

is not true
all that lies

lie's truth
where does it lie



the days pent
beneath they lie

in remembrance
nothing seems to lie

poles apart
pupils see to lie

backward to answer
dig what may belie
what may be lie



The heart has poured it all out,
yet here I hear you lie
The jasmine, the champak,
seldom that you bring them by
Oh dear, the match of black beads,
thou shalt get not to tie
thou shalt get knot to tie

==========================================

ಬುದ್ದಿವಂತ(ಮಂಕ)ರು ಎಂದು ಮಿತ್ರರಿಂದ ಕೂಗಲ್ಪಟ್ಟವರು ಊ..ಐ ನಾಮ ಕಣ್ಣಮೇಲೆ ಹಾಕಿ-
ಸಿಕೊಂಡರು...
ನಿಜದಲ್ಲಿ ನಾಮ-ದೇವ ಉಪ್ಪ-ಇಂದ್ರನಿಗೆ ಮುಗಿಸಲೆಂದು ಕಡಿಯುತಿದ್ದ ಕೈ
-ಗಳಲಿ ಸುಳ್ಸುಳ್ಳೇ ತಮ್ಮ ತಲೆ ಕೆರೆಸಿಸಿಕೊಂಡರು...
ತತ್ಫಲವಾಗಿ ಬಹು ಸಂವತ್ಸರಗಳಿಂದ 'ಏನಿಲ್ಲ ಏನಿಲ್ಲ' ಎನ್ನುತ್ತಲೇ
ಸುಮ್ಮನೇ ತಲೆಕೊರೆಯುತ್ತ ಇದ್ದ ಆಂಗ್ಲಾನುವಾದನ ಹುಣ್ಣು ತಾವುಗಳ ಕೈತಾಗಿ-
ಸಿಕೊಂಡಂತಾಯಿತು.
---------------------------------------------------------------------------------------------------------------------------

Original Song:

---------------------------------------------------------------------------------------------

Below are the original Kannada lyrics (as may be heard)
--along with a rather rough ' literal translation' in English

ಏನಿಲ್ಲ ಏನಿಲ್ಲ
ನಿನ್ನ ನನ್ನ ನಡುವೆ ಏನಿಲ್ಲ
ಏನೇನಿಲ್ಲ

What is not there?
(There isnt anything?)
What is not there!
(There isnt anything!)
Between you and me
what is not there
what all is not there(!/?)


ನಿಜದಂತಿರುವ ಸುಳ್ಳಲ್ಲ
ಸುಳ್ಳುಗಳೆಲ್ಲ ನಿಜವಲ್ಲ
ಸುಳ್ಳಿನ ನಿಜವು ಸುಳ್ಳಲ್ಲ

Not the truth-resembling lie
Not all the lies are true
Truth of lie is not lie

 
ಕಳೆದ ದಿನಗಳಲೇನೂ ಇಲ್ಲ
ನೆನಪುಗಳಲಿ ಏನೇನಿಲ್ಲ
ಉತ್ತರ, ದಕ್ಷಿಣ
ಸೇರಿಸೋದೆಂಬರೆ ನೀನಿಲ್ಲ
ಪ್ರಶ್ನೆಗೆ ಉತ್ತರ
ಹುಡುಕಿದರೆ ಏನೇನಿಲ್ಲ
ಕೆದಕಿದರೆ ಏನೇನಿಲ್ಲ

what/nothing is in the days-spent
what all is not there in memories
north, south
to join them, you are not there
for the question, the answer
if it is searched, what all isn't there(?!)
if it is digged, what all isn't there(?!)

 
ಮನಸಿನೊಳಗೆ ಖಾಲಿ ಖಾಲಿ
ನೀ ಮನದೊಳಗೆ ಇದ್ದರೂ
ಮಲ್ಲಿಗೆ ಸಂಪಿಗೆ
ತರದೆ ಹೋದರು ನೀ ನನಗೆ
ಓ ನಲ್ಲ ನೀನಲ್ಲ
ಕರಿಮಣಿ ಮಾಲೀಕ ನೀ
ನಲ್ಲ

in the heart, it is just emptiness
though thou art there in the heart
the jasmine, the champak,
if you do not bring them for me
oh dear, you aren't,
the owner of the 'black bead' (mangalasuthra / thali),
aren't you dear!


*******       *******       *******       *******       *******      

ತಾನ.. ಧಿರತಾನ.. | Meethasa Ishq lage | Kailash-Kher / Virag Mishra

ಕೈಲಾಶ ಖೇರರ ಗಾಢವಾದ ಗಾಯಕಿಯಲ್ಲಿ
ಕಾಡುವಂತೆ ಧ್ವನಿಸಲ್ಪಟ್ಟಿರುವ
ರಮ್ಯ (ಸೂಫಿ-ಆಧ್ಯಾತ್ಮಿಕ?) ಪ್ರತಿಮೆಗಳ
ಒಂದು ಚಿಕ್ಕ ಚೊಕ್ಕ ಗೀತ
------

Original Song (Hindi):
Meetha sa Ishq Lage

Lyricist: VIRAG MISHRA

Artists: - KAILASH KHER
· SUZANNE D'MELLO 
· BAPPA LAHIRI  

Movie: A-Flat (2010)

--------

ಸಿಹಿಯಾಗಿ ಒಲವನ್ನಿಸೋದು
ಅಗಲಿಕೆ ಕಹಿಬೇವು
ಸ್ನೇಹವೆನದದುವೆ ದಿಟವೊ
ಹುಸಿಯೊಂಟಿತನವು

ಬೆಳದಿಂಗಳನ್ನ ಮೇಲೆ
ಚಾದರ ಹೊದ್ದಿಸಿತೊ
ಹೊದ್ದೆಯೇನು ನೀನು ಎನ್ನ
ಉಸಿರು ಮರಳಿ ಬಂದಿತೊ

ಮದರಂಗಿ ಬಣ್ಣ ಹಾಗೇ ಗಾಢವಾಯಿತೊ
ಒಂದು ಕ್ಷಣದಿ ಹಾ ಏನಾಯಿತೊ
ಗೆಜ್ಜೆಗಳಾ ಸದ್ದು ಹೇಗೆ ನಿತ್ತುಬಿಟ್ಟಿತೊ
ಒಂದು ಕ್ಷಣದಿ ಹಾ ಏನಾಯಿತೊ

ಮನ ಒಪ್ಪದೊ
ಏನೂ ತಿಳಿಯದೋ
ಹುಚ್ಚು ಪತಂಗ ಹಾರ್ವುದೋ
ತಾನ ಧಿರತಾನ ತಿರತಾನ ಧಿರನ ತೊಂ


ಮಾತಿಲ್ಲದೇನೆಲ್ಲಾ ಹೇಳಿಬಿಟ್ಟನೊ
ರಾತ್ರಿ ಪೂರ ಮಥಿಸುತಿದ್ದೆನೊ
ದೇವದೂತನೋರ್ವನೆನ್ನ ತಡವಿ ನಡೆದನೊ
ಯಾರದು ನಾ ಅರಸುತಿದ್ದೆನೊ

ಮನ ಒಪ್ಪದೊ
ಏನೂ ತಿಳಿಯದೋ
ಹುಚ್ಚು ಪತಂಗ ಹಾರ್ವುದೋ
ತಾನ ಧೀಂ ತಾನ ಧಿರತಾನ ಧಿರನ ತೂಂ

*****

 

https://blog.hindilyrics4u.com/2015/06/lyrics-of-meetha-sa-ishq-from-movie.html
 

ಬಳಿಬಂದರಾರೋ ಬೆಳ್ಳಂಬೆಳಗ್ಗೆ | Jagjith Singh / Saeed Rahi | koi paas aaya sawEre sawEre

---------------------------------------------------------

ಗೀತ ರಚನಾಕಾರ:  ಸಯೀದ್ ರಾಹಿ
ಮೂಲ ಸಂಯೋಜಕ /ಗಾಯಕ: ಜಗಜಿತ್ ಸಿಂಗ್
(Come Alive LP  / ೧೯೭೯)

ರಾಗ: ಲಲಿತ / ಲಲತ್ / ಲಲಾಟ
ತಾಳ :  ೫ ಮಾತ್ರೆಗಳ ಜಾಝ್ ತಾಳ / ಸೂಲಫಾಕ ತಾಳ
/ ೫x೨=೧೦ ಮಾತ್ರೆಗಳ ಮಾರ್ಪು-ಝಾಪ್ ತಾಳ

(ನೋಡಿ:  A 'wild' improvisation:
https://www.youtube.com/watch?v=ariXkdS7heY
ಪಂ . ಝಾಕಿರ್ ಹುಸೇನ್ - ಹರಿಪ್ರಸಾದ್ ಚೌರಾಸಿಯಾ ಅವರೊಂದಿಗಿನ ಕಚೇರಿ :
https://www.youtube.com/watch?v=TxF8qAFUrTQ )
-------------------------------------------------------

 

ಬಳಿ ಬಂದರಾರೋ

ಬೆಳ್ಳಂಬೆಳಗ್ಗೆ

ಯನ್ನ ಮೈದಡವಿದರು

ಬೆಳ್ಳಂಬೆಳಗ್ಗೆ

ಎನ್ನದೇ ಕಥೆಯ

ತುಸುವೇ ತಿರುಗಿಸಿ

ಯನಗೇ ಅರುಹಿದರು

ಬೆಳಗ್ಗೆ ಬೆಳಗ್ಗೆ

ನಿನ್ನೆಯಿರುಳಲಂತಿದ್ದಿದು 

ಸಂಭಾಳಿಸು ಸಂಭಾಳಿಸು

ಅಲ್ಲೇ ತಡಂಬಡಿಸಿದ್ದು

ಬೆಳಗ್ಗೆ ಬೆಳಗ್ಗೆ

ಕಳೆದಿತೆನ್ನ ರಾತ್ರಿ 

ಪೂರ ಪಾನಗೃಹದಿ

ದೈವ ನೆನಪಾಯಿತು

ಬೆಳಗ್ಗೆ ಬೆಳಗ್ಗೆ

ಇರುಳಿಡೀ ಬೆಳಗಿತ್ತು

ಯಾವೊಂದು ಬತ್ತಿ

ಅದನೇ ಸುಟ್ಟೆವು    

ಬೆಳಗ್ಗೆ ಬೆಳಗ್ಗೆ. 

 

 

 

koī paas aayā savere savere

mujhe āzmāyā savere savere


merī dāstāñ ko zarā sā badal kar

mujhe hī sunāyā savere savere


jo kahtā thā kal shab sambhalnā sambhalnā

vahī laḌkhaḌāyā savere savere


kaTī raat saarī merī mai-kade meñ

ḳhudā yaad aayā savere savere


jaleethī shamā raaT bhar jis ke khāTir

ushee ko jalāya savere savere

ಇರುಳಿಡೀ ಬೆಳಗಿತ್ತು ಯಾವೊಂದು ಜ್ಯೋತಿ 

ಬೂದಿಯಾಯಿತದುವೆ ಬೆಳ್ಳಂಬೆಳಗೆ 

ದೂರದಲ್ಲೆಲ್ಲೋ ದಿನ ಮುಳುಗಿದಂತೆ / kahin door jab din dhal jaayen / योगेश गौर

ಇತ್ತೀಚೆಗೆ ನಿಧನರಾದ ಹಿಂದಿ ಚಲನಚಿತ್ರಗೀತಸಾಹಿತಿ, ಶ್ರೀಯುತ ಯೋಗೇಶ್ ಗೌರ್ , ಅವರ ಬಗ್ಗೆ ನಮಗೆ ತಿಳಿದದ್ದು ಕಡಿಮೆಯೇ... 

ಹಾಗಿದ್ದಾಗ್ಗೆಯೂ, ಹೃಷಿಕೇಶ ಮುಖರ್ಜಿಯವರ ದಿಗ್ದರ್ಶನದ 'ಆನಂದ್' ಸಿನೇಮಾದಲ್ಲಿ ಅವರು ಬರೆದ, ಮುಖೇಶ ಹಾಡಿದ, ರಾಜೇಶ್ ಖನ್ನನ ಅಭಿನಯಿಸಿದ ಈ ಭಾವಗೀತಾತ್ಮಕ ಹಾಡು ನಮ್ಮ ಯಾವತ್ತು ಹೃನ್ಮನಗಳನ್ನು ಅದೆಂದೂ ತಾಕಿದ್ದಿದು ಹೌದು.

ಹಾಡಾಗಿಸಿ ಅಮರರಾದವರೆಲ್ಲರಿಗೂ ಕಿರುಕಾಣಿಕೆಯಾರ್ಪಣೆಯಾಗಿ ಈ ಹಾಡನುವಾದ.


   ************************************ 


ಎಲ್ಲೋ ದೂರದಿ

ದಿನ ಮುಳುಗಿದಂತೆ

ಗೋಧೂಳೀ ವಧುವದು

ವದನ ಕದ್ದಂತೆ

ಸದ್ದಿಲದೇ ಬಂದಂತೆ

ಎನ್ನ ಕಲ್ಪನೆಗಳಾಂಗಳದಲಿ

ಯಾರೋ ಕನಸುಗಳ

ದೀಪ ಹಚ್ಚಿದಂತೆ

**

  ಅದೊಮ್ಮೆ ಉಸಿರದು ಭಾರವಾದಂತೆ

ತುಂಬಲು ಕಂಗಳು ಇದ್ದಕಿದ್ದಂತೆ

ಆಗ್ಗೆಯೇ ಮಿಡಿದು

ಒಲವಲಿ ನಡೆದು

ಸ್ಪರ್ಶಿಸುವರಾರೋ ಎನ್ನ

ಅದೃಶದಲೆಂಬಂತೆ

**

ಒಮ್ಮೊಮ್ಮೆಯೆಲ್ಲಿ ಹೃನ್ಮನ ಸೇರವೊ ಅಂತೇ  

ಬಂದಾವು ಸಂಬಂಜ ಜನ್ಮಾಂತರವೆಂಬಂತೆ 

ಘನ ಸಂಕಟವು

ವೈರಿಯೆನ್ನ ಮನವು

ನನ್ನದಾಗಿಯೂ ಸಹಿಪುದು

ಅವರ ನೋವಂತೆ

**

ಅರಿವುದು ಎದೆಯದು ಗುಟ್ಟೆಲ್ಲದನು

ಹೊಂಗನಸುಗಳನು ಹೊಳೆಯಿಸುವುದನು

ಎನ್ನೀ ಕನಸುಗಳು

ಇವೇ ನನ್ನವುಗಳು

ಎನ್ನನಗಲಾರವು

ಇವುಗಳ ನೆರಳೂ.

***


  *****************************************************

ಅನುವಾದಿಸುವಾಗ ಹೊಸದಾಗಿ ಕಣ್ಣ ಕೋರೈಸಿದ ಈ ಹಾಡಿನ ಸಾಲುಗಳ ತನ್ನದೇ ಆದ ಸಾಂಧರ್ಭಿಕ ಅನ್ವರ್ಥತೆಗಳು ಮತ್ತೊಮ್ಮೆ ಹೃನ್ಮನಕಂಗಳನ್ನು ಭಾರವಾಗಿಸಿದವು.
 

ಹಾಗ್ಗೆ, ಅನುವಾದಕ್ಕಿಳಿವ ಮುನ್ನ ಎಲ್ಲವೂ ಗೊತ್ತು ಎನಿಸುವುದು -- ಅನುವಾದಕ್ಕಿಳಿದಾಗ ಇದೆಲ್ಲ ಗೊತ್ತೇ ಇರಲಿಲ್ಲವಲ್ಲ ಎಂದಾಗವುದು.., ಇದೆಲ್ಲ ಯಥಾಪ್ರಕಾರವೇ!

 

ಈ ಹಾಡಿನ ಸಂಗೀತ ನಿರ್ದೇಶಕ ಸಲಿಲಚೌಧರಿಯವರು ಬೆಂಗಾಲಿಯಲ್ಲಿ ಇದೇ ಧಾಟಿಯಲ್ಲಿ ಈ ಮುಂಚೆಯೇ ಇನ್ನೊಂದು ಹಾಡನ್ನು ಸಂಯೋಜಿಸಿರುವುದೂ ತಿಳಿಯಿತು. ಅದರ ಸಂದರ್ಭ-ಅರ್ಥಗಳೆಲ್ಲ ಬೇರೆಯಿದ್ದರೂ ಸಂವೇದನಾಶೀಲವಾಗಿಯಂತೂ ಇರುವುದು ಅನುಭವವೇದ್ಯವಾಯಿತು.

ಅಂದರೆ, ನಮ್ಮ ಈ ಪ್ರಸ್ತುತ ಚಿತ್ರಗೀತ ಸಾಹಿತಿ ದಿವಂಗತ ಶ್ರೀ ಯೋಗೇಶ್ ಗೌರ್ ಅವರು, ಆನಂದ ಸಿನೆಮಾದ ಸಂದರ್ಭದೊಟ್ಟೊಟ್ಟಿಗೆ ಈ ಮೊದಲೇ ಸಂಯೋಜಿತವಾದ ಸಂಗೀತಕ್ಕೆ ತಕ್ಕಂತೆ ಬರೆಯುವ ಪಣವನ್ನು ಸಹಾ ಏಕಕಾಲದಲ್ಲಿ ಸುಲಲಿತವಾಗಿ ನಿಭಾಯಿಸಿದ್ದಾರೆ ಎನ್ನಬಹುದು. ಅವರಿಗೆ ನಮ್ಮ ನಮನಗಳು.

ಕುಂಕುಮ | ಶಹರ ಮಕ್ಕೊಂಡಾಗ್ಗೆ | ರಕ್ತರಾತ್ರಿ

===================================================
Date: Fri, Sep 8, 2017 at 6:59 AM
Subject: ಅನುವಾದ: ಯಾವ ರಾತ್ರಿ ಮುಗಿಲಿಂದ ರುಧಿರವೇ ಸುರಿಯಿತೊ
To:

Dears,

translation in progress
impatience too much
times running out
help through your
comments and suggestions pls ..

twbr,
durahankari duRANdhararu

------------------------------------------------------------------------------------------------------

occasion : presentimes
moovie: Gulal
musicist lyricist singer: Piyush Mishra

links:
https://youtu.be/yQ0t8LcL498
https://creationsgalorehere.wordpress.com/2014/08/06/jab-sheher-humara-sota-hai-gulaal-lyrics-hindi/
http://bwlyric.blogspot.it/2013/12/sheher-gulaal.html

===================================================


ಒಂದುಕಾಲದ ಮಾತು ಹೇಳೋಣು
ಆದೊಂದು ಕಾಲದಲೆ
ಯಾವಾಗ್ಗೆ -
ಶಹರ ನಮ್ಮದು ಮಲಗಿಬಿಟಿತ್ತೊ
ಆ ರಾತ್ರಿ ಮಾಯಕದಲೆ

ನಾಕೂಕಡೆಯು ಮಿಕ್ಕೆಲ್ಲ ದಿಕ್ಕಿಂದಲೂ
ಕೆಂಪೇ ಹೊಚ್ಚಿತಲೆ
ಮಿಂಚುಳ್ಳೆ ಕುಣಿದುದು ಸೆರಗನು ಹೊದ್ದು
ರುಧಿರವೆ ಮಿಂದಿತಲೇ

ನಾಕುಕಡೆಯಲು ಕುಂಕುಮವೆ ಛಾಪಿಸಿತಲೆ
ನಾಕೂಕಡೆಯಲೂ
ವಿಪತ್ತಿಯಾವರಿಸಿತಲೇ..


ಯಾವ ರಾತ್ರಿ ಮುಗಿಲಿಂದಲೆ
ರಕುತದ ಮಳಿಯೇ ಬಂದಿತ್ತಲೇ..


ಮಿಂದೆಹೋಯಿತು ಊರೆಲ್ಲವೂ
ಮಿಂದೆಹೋಯಿತು ಮಣ್ಣೆಲ್ಲವೂ
ಮಿಂದೆದ್ದಿತೇ ಸಕಲ ಜನಸ್ತೋಮವು

ಇಡೀ ಜಗತ್ತು ಕೇಳಿತು ಆಗಲೇ
ಇಷ್ಟೆಲ್ಲಾ ಆಗ್ತಿತ್ತ ಹಂಗಾದರ
ಅವಾಗಲೇನಣ ಕಣ್ಣಾಮುಚ್ಚೆ
ಮಕ್ಕೋಂಬಿಡೋದು ನೀನಾದರ

ಶಹರ ಹಿಂಗಂತಲೇ
ಹ್ಯಾಂಗ ಹೇಳೋಣು ಎಂಥಾ
ನಿದಿರಿ ಬಂತಂದರ..


ಯಾವ ರಾತ್ರಿ ಮುಗಿಲಿಂದಲೆ
ರಕುತದ ಮಳಿಯೇ ಬಂದಿತ್ತಲೇ..



ಸ್ಮಶಾನ ಮೌನವೋ ಮೂಕವೋ
ತಿಳಿಯದಂತೆ
ಜೀವನವನೆ ಕಸಿಯುತ್ತೆ
ಮಗ್ಗಲು ಬದಲಿಸಿದಂತೆ
ಬಿರುಗಾಳಿಯಂತೆ
ಮುತ್ತಿಕ್ಕುತವೆ ನೆರಳುಗಳು ಕಪ್ಪಿಡುವಂತೆ
ಒರಟು ಕೂದಲೆಲ ಕೆದರಿದಂತೆ
ನುಗ್ಗುತ್ತವೆ ಮಬ್ಬು ಪಿಶಾಚರಂತೆ
ಕಂಪಿಸುತ್ತೆ ಜೀವ ಅವು ಕುಣಿದಂತೆ


ಅಲ್ಲೆಲ್ಲೋ ಆ ಬೂಟುಗಳ ಟಕಟಕೆಯು
ಅಲ್ಲೆಲ್ಲೋ ಆ ಕೆಂಡಗಳ ಚಟಪಟೆಯು
ಅಲ್ಲೆಲ್ಲೋ ಆ ಜೀರುಂಡೆಗಳ ಕೀರಲು
ಅಲ್ಲೆಲ್ಲೋ ಆ ನಲ್ಲಿಯ ಟಿಪಟಿಪೆಯು
ಅಲ್ಲೆಲ್ಲೋ ಆ ಕಪ್ಪು ಕಿಡಕೀಯು
ಅಲ್ಲೆಲ್ಲೋ ಆ ಮಬ್ಬು ಚಿಮಣೀಯು
ಅಲ್ಲೆಲ್ಲೋ ಆ-ಕಳಿಸೋ ಗಾಳಿಮರಗೋಳು
ಅಲ್ಲೆಲ್ಲೋ ಅಡ್ಡಗೋಡೆ ಮೇಲಿಟ್ಟಂತೇನೇನೋ...
ಏಳೇಳೇಳೇಲೆಲೆಲೇಲೇಲೇ.. ಹೋ!


ಸ್ಮಶಾನಗಲ್ಲಿಯಲ್ಯಾವ ಮೂಲೆಯಲದೆಂದು ನಾಯಿ ಯಾವ್ದೋ
ಚೀರಿ ಚೀರುತ್ತ ರೋಧಿಸಿತ್ತಲೆ
ಅದ್ಯಾವಾಗ್ಗೆ ಬೀದಿಗಂಬದ ಗಬ್ಬು ಮಬ್ಬಲ್ಲಿ
ಏನ್ ಏನೋ ನಡೀತಿತ್ತಲೆ
ನೆರಳು ಯಾವುದೋ ತುಸುತುಸುವೇ ಯಾವತ್ತನು
ನಾಪತ್ತೆನೆರಳುಗೋಳಲಿ ಕಳೀತಿತ್ತಲೆ
ಸೇತುವೆಗಂಬಗತ್ತಲೆಗೋಳಿಗೆ ಬೆಚ್ಚಗ್ಯಾವಾಗ್ಗೆ
ನಿಧಾನ ಮೋಟಾರು ಬೆಳಗುತಿತ್ತಲೆ

ಆಗ್ಗೆ,

ಶಹರ ನಮದು ಮಕ್ಕೊಂತಲೆ  ||(೩ಸಲ)||


ಶಹರ ನಮ್ಮದು ಮಕ್ಕೋಂಡಾಗಲೆ
ಗೊತ್ತಾ ನಿನಗ ಏನ್ ಏನೆಲ್ಲ ನಡೀತೈತೆss
ಇತ್ತ ಹೆಣಗಳೆದ್ದು ಕುಣಿಯುತ್ತಲೆ
ಅತ್ತ ಬದುಕಿದವ ಶವ ಸಾಯುತ್ತ್ತಲೆ
ಇತ್ತ ಚೀರುವಳು ಫ್ರೀಯಾಸ್ಪತ್ರೆಯಲಾಕೆ ಕಂಪಿಸುತ್ತಲೆ
ಅವಳೆದುರ ಬರತೈತ ಮತ್ತ ನವಮಾಂಸದ ಒಂದು ಮುದ್ದೆ
ಇತ್ತಲೇಳ್ತವೆ ತಕರಾರುಗೋಳೆತ್ತರೆತ್ತರ ಮೈಮೈಗೋಳ ಜಟಾಪಟಿ ಲೇವಾದೇವೀಲೇ
ಅತ್ತ ಸಂಭಧಗಳುಬ್ಬಿಸುತ ಘಾಯ,  ಕಂಡರೂವೆ ದೂರದಲಲೆವ ಕಂಗಳದುವ ಸತ್ತಂತಲೆ
ಅದರೂ ಅದನೆ ಎತ್ತಿ ಬಣ್ಣಬಣ್ಣಗಳ ಹರಕೆಜಾತ್ರೆಗೋಳೇ ಆಗತೈತಲೆ
ಮದ್ಯಮಧ್ಯೇ ಮಿಂದ ನೈವೇದ್ಯೆಯಿಂದಲೆದ್ದುದಿಸಿದೇ ಕುಚೋದ್ಯೆ
ಅರೆನಗ್ನದೇಹಗಳ ನೋಡು ಹೇಗೆ ತೊಡೆದು ಶೃಂಗಾರ ಮಾಡೈತೆಲೆ
ಕೆಂಪುಬಳ್ಕಂಮುಸುಡಿಗಳಿಗೇನೇನೋ ಪುಂಡಾಟಿಕೆ ನಡೆಸೋಕಲೆಲ್ಲೋ ತುರಿಸೈತೆ


ಅವರೆಲ್ಲ ಕೇಳ್ತಾರೆ ಹೈರಾಣಾಗೇ, ಹೀಗೆಲ್ಲಾ ಅಗೋದ್ ಯಾವಾಗ್ಗೆ
ಅದ ತಿಳಿಸಿಬಿಡು ಅವರಿಗೆ, ಹೀಂಗ ಹಿಂಗಾಗೋದು ಯಾವ್ ಯಾವಾಗ್ಗೆ

ಅಂದರ,

ಶಹರ ನಮದು ಮಕ್ಕೊಂಡಾಗ್ಗೆ
ಶಹರ ನಮ್ಮದು ಮಕ್ಕೊಂಡಾಗ್ಗೆ
ಶಹರ ನಮ್ಮದು ಮಕ್ಕೊಂಡ್ಹಾಗೇ

ಹೋ..!

ಭಾವ ಇಲ್ಲಿ ಅಭಾವ

ಹವೆಯೊಂದು ಹೀಗೆ  ಸುಳಿದಾಡೆ ಬಂತು
ಲತೆ ಅದುರಿತು,
ಹೂ ಉದುರಿತು.
ಪವನದ್ದಲ್ಲ, ದವನದ್ದಲ್ಲ ,
ತಪ್ಪು ಯಾರದ್ದು?
ಪರಿಮಳ ಹವೆಯಲಿ ಕಳೆದು ಹೋಯ್ತು,
ಏನು ಉಳಿಯುತು!?

a light breeze passes by,
shivers a branch, fell
a flower.
neither of the breeze;
nor of the flower;
whose fallacy it is!?
fragrance lost -
in the thin air,
nothing lasts!?

ಸಿನಿಮೀಯ - ೧

-:ಲೂಸಿಯಾ:-

ವಾಸ್ತವದಿ

ನಾನು

ಕನಸಿದಂತೆ

ಒಂದು

ಕನಸನರಸುವಂತೆ

ವಾಸ್ತವದಲೊಂದು

ಕನಸಿನೊಳಗೆ

ಕನಸಾಗಿ...

ಸಾಕು ಮುಗಿಸೋಣವಂತ

ಬಿದ್ದ ಪತನ

-ವಾಸ್ತವದಿ

ಕನಸು ಮುರಿಯಿತು.

******

-:BirdMan:-

..And yet

the bird appeared

flushing upon the shithole

The Man flew.

Phir se udd chala mein!

*****

ನಿರ್ವಿಕಲ್ಪ ಚಿತ್ತದ ಚಿರಂತನ ಬೆಳಗು

(ಇದರ ಹಿಂದಿನೊಂದು ಭಾಗ ಇಲ್ಲಿದೆ)


ನರಜಾಲಗಳ ಗೊಂಡಾರಣ್ಯಗಳ ಗೂಢ ಗಹ್ವರಗಳಲಿ
ಅಮೂರ್ತ ಸಂಕೇತ ಅನಿರ್ವಾಚ್ಯ ವ್ಯಕ್ತಿವಿಶಿಷ್ಟಾನುಭವಗಳಲಿ
ಅರ್ಥರಾಹಿತ ಪೂರ್ಣತಾಭಾವ ಶೂನ್ಯಘಳಿಗೆಗಳಲ್ಲಿ
ಸನ್ನಿವೇಶವಿಲ್ಲದ ಹಿನ್ನೀರ್-ನಿರರ್ಥದಲಿ

ಹುದುಗಿಸಲಿ ನಿನ್ನನೆಲ್ಲಿ
ನನ್ನಲಿ
ನೀನಿರದುದೆಲ್ಲಿ
ನೆನಪುಗಳು ಮುತ್ತಿಕ್ಕಿ ಬರದುದೆಲ್ಲಿ

ಕೆದಕಲೇ ಸ್ಮೃತಿ
ಕೋಶಕೋಶಗಳಾಳಗಳಲಿ
ಹುದುಗಿ ಬಂದವುಗಳಲಿ
ಚರಿತ್ರೆಗಳ ಕಮಟು ಪುಟಗಳಲಿ
ಶಿರ ಹುದುಗುವ ಅವಮಾನಗಳದ್ಯಾವುದೋ ಒಣ ಉಸುಕಿನೂರೊಂದರಲಿ
ಹೃದಯವೇ
ಹುದುಗುವುದೇ ಉಷ್ಟ್ರಪಕ್ಷಿಯೋಪಾದಿಯಲಿ?


ಅಳಿಸಿದುದಕ್ಕಾಗಿ ನಿನ್ನಿಂದ ನೀ ನನ್ನ
ನಳಿಸ ಹೊರಟಿದುದು ನನ್ನೊಳಗಿನಾನಿನ್ನನಿದ
ರೊಳಳಿಸಿ
ಹೋಗುವುದು ನಾ ನನ್ನೊಳಗಿಂದ
ಲಿಂದಿದಾಗದೆಂದು ಧ್ವನಿಯೊಂದು ಹೊರಟಿದು
ದದುವೆ ನಾನ್ನೆನ್ನುವುದು ನೀನನ್ನುವುದಲ್ಲಿ ಚುಂಗೊಂದನಿಡುವುದು
ಹಿಡಿದದನು ಅಭಿಸರಿಪುದು ಅಭಿಸಾರಿಕೆಯತ್ತ
ಮರಳೋಣ ಮತ್ತೆಯರಳೋಣ
ಅರಳುಮರಳಂತಿರುವಲ್ಲಿಂದ ಮತ್ತೆ....

---------------------------------------------------------------------------------------------------------------
ಇದು ಮುಂದುವರಿದ ಪ್ರತಿಸ್ಪಂದನದ ಯಾದೃಚ್ಛಿಕ ಭಾಗ,
 "Eternal Sunshine of the Spotless Mind"
ಎಂಬ 'ಅನೇರ ನಿರೂಪಣೆ 'ಯ ಸಿನೆಮಾಗೆ ...

ಈ ಮುಂಚೆ ಇದರ 'ಶೀರ್ಶಿಖೆ'ಯನ್ನು 'ಅನಂಗಚಿತ್ತದ ಅವಿರತ ಹೊಳಹು' ಅಂತಿಟ್ಟುಕೊಂಡಿದ್ದು ಹೌದಾದರೂ...

'spotless' ಎಂಬುದರ ಅರ್ಥ 'ಕಲೆರಹಿತ' ಅಂತಾಗುತ್ತದೆಯೇ ಹೊರತಾಗಿ
'ಜಾಗ್ಗೆ-ಯಿಲ್ಲದ' (spot-less) ಅಂತಲೇನೂ ಬಳಕೆಯಲ್ಲಿಲ್ಲವಂತ ಜ್ಞಾನೋದಯವಾಯಿತಾದರೂ...

ಅರ್ಥೈಸಿದಂತೆ ಕಾವ್ಯವಲ್ಲವೇ? ಅವರವರಿಗಾದದ್ದೂ ಅರ್ಥವಲ್ಲವೇ?
ಚಿತ್ತವು ಮಸ್ತಿಷ್ಕವೇ ಅಥವಾ ಇನ್ಯಾವುದೋ ಒಂದು ಜಾಗ್ಗೆಯಲ್ಲಿ ಇದೆ/ಇಲ್ಲ ಎನ್ನುವುದು ಎಂದಿಗೂ ಅನಿರ್ಧಾರಿತವಷ್ಟೇ?
ಎಂಬಿತ್ಯಾದಿ ಜಿಜ್ಞಾಸೆಗಳು ಉಳಿಯಿತಾಗಿಯಾದರೂ ...

ಪೋಪರ ಕವನವನ್ನೂ, ಕೌಫ್ಮನ್ನರ ಚಿತ್ರಪಟವನ್ನೂ ತುಲನಾತ್ಮಕವಾಗಿ ಗಮನದಲ್ಲಿರಿಸಿ...

"ನಿರ್ವಿಕಲ್ಪ ಚಿತ್ತದ ಚಿರಂತನ ಬೆಳಗು" ಅಂತಮುಂತಾಗಿ ಮುಂದಾದದ್ದು...
---------------------------------------------------------------------------------------------------------------

ಈ ತಿರುವಿನಿಂದ ಹೊರಡುವವು / Is Mod Se Jaate Hain

ಈ ತಿರುವಿನಿಂದ ಹೊರಡುವುದು 
ತುಸು ಭಾರನಡೆ ರಸ್ತೆಗಳು 
ತುಸು ತೀವ್ರನಡೆ ಹಾದಿಗಳು

ಕಲ್ಲಿನ ಹವೇಲಿಗಳಿಗೆ
ಗಾಜಿನ ಮನೆಗಳಲಿ
ತುಣುಕುಗಳ ಗೂಡಿನವರೆಗೆ
ಈ ತಿರುವಿನಿಂದ ಹೊರಡುವುದು

ಬಿರುಗಾಳಿಯಂತೆದ್ದು ಹಾದಿಯೊಂದು ಹಾಯುವುದು
ನಸುನಾಚಿದಂತ್ಯಾವುದೋ ಪದಗಳಿಂದ ಹೊಮ್ಮುವುದು

ಈ ರೇಶಿಮೆಹಾದಿಗಳಲಿ
ಹಾದಿಯೊಂದು ಅದೂ ಇದ್ದೀತು
ನಿನ್ನ ವರೆಗೆ ತಲುಪುವಂತದ್ದು
ಈ ತಿರುವಿನಿಂದ ಹೊರಡುವುದು

ದೂರದಿಂದೊಂದು ಸಾರುವುದು
ಬಳಿಸಾರಿಯು ಹೊರಳುವುದು
ಒಬ್ಬಂಟಿಯೊಂದು ಹಾದಿಯು
ನಿಲಲಾರದು ಚಲಿಸಲೂ ಆರದು

ಇದ ಯೋಚಿಸಿ ಕುಳಿತಿರುವೆ
ಹಾದಿಯೊಂದು ಅದೂ ಇದ್ದೀತು
ನಿನ್ನ ವರೆಗೆ ತಲುಪುವಂತದ್ದು
ಈ ತಿರುವಿನಿಂದ ಹೊರಡುವುದು 

---------------------

ओ माझी रे.. / ಅಂಬಿಗನೇ.. / O majhi re..

ಅಂಬಿಗನೇ,

ಎನ್ನಯ ತೀರ
ನದಿಯ ಈ ಧಾರೆಯು

ದಡದಗುಂಟ ಹರಿಯುವವರೇ
ಎಲ್ಲೋ ಕೇಳಿದ್ದುಂಟಲ್ಲವೋ?

ಕಾಗದದ ದೋಣಿಗಳಿಗೆ
ಎಲ್ಲೂ ತೀರವಿರೋದಿಲ್ಲವು...
ಅಂಬಿಗನೇ,
ಯಾವೊಂದು ತೀರ
ವದು ತೀರ
ಕ್ಕೆ ಸೇರಿಬರುವುದೋ
ಅದು, ಎನ್ನಯ ತೀರವು..

ನೀರಿನೊಳಗೆ ಹರಿಯುತಿಹವು ಹಲವು ದಂಡೆ
ಒಡೆದಂಥವು;
ಬೀದಿಗಳಲಿ ಸಿಗುತಲಿಹವು ಸಕಲ ಆಸರೆ
ತಪ್ಪಿದಂಥವು
ಅಂಬಿಗನೇ,
ಆಸರೆಯೊಂದು ನಡುನೀರಲ್ಲಿ
ಸಿಗುವುದಾದರೆ ಅದು,
ಎನ್ನಯ ಆಸರೆಯು




ಮೂಲ :
ಗುಲ್ಜಾರ್ ವಿರಚಿತ,
ಖೂಬ್'ಸೂರತ್ (೧೯೭೫) ಚಲನಚಿತ್ರದಲ್ಲಿನ
"ಓ ಮಾಝಿ ರೇ.."   ಗೀತೆ :

O Maanjhi Re
Apna Kinara
Nadiya Ki Dhara Hai

Saahilon Pe Behenewale
Kabhi Suna To Hoga Kahi
Kagazon Ki Kashtiyon Ka
Kahi Kinara Hota Nahi
O Maanjhi Re
Koi Kinara
Jo Kinare Se Mile Woh
Apna Kinara Hai

Paniyon Mein Bah Rahe hain
Kayee Kinare
Toote Huye
Raaston Mein Mil Gaye Hain
Sabhi Saharein
Choote Huye
O Maanjhi Re
Koi Sahara
Majdhare Mein Mile toh
Apna Sahara Hai...

------------------------------------------------------------------------------------------------------------

ಇನ್ನೊಂದು ಪ್ರಯತ್ನ:

ಓ ಅಂಬಿಗನೇ,

ಎನ್ನಯಾ ದಡವು 
ನದಿಯ ಈ ಹರಿವು

ಪಾತ್ರಗಳಲಿ  ಹರಿಯುವವರೇ
ಎಲ್ಲೋ ಕೇಳಿದ್ದುಂಟಲ್ಲವೋ?

ಪತ್ರಗಳಾ ದೋಣಿಗಳಿಗೆ
ಎಲ್ಲೂ ಪಾರವಿರೋದಿಲ್ಲವು...
ಓ ಅಂಬಿಗನೇ,
ಯಾವೊಂದು ಪಾರ
ವದು ಪಾರದೀ
ಸೇರಿಬರುವುದೋ
ಅದು, ಎನ್ನಯಾ ಪಾರವು..

ಜಲಗಳಲ್ಲಿ ಗಮಿಸುತಿಹವು ದಂಡೆ ಹಲವು
ಛಿದ್ರಗೊಂಡು  ;
ಬೀದಿಗಳಲಿ ಕಲೆತುಹೋಗಿವೆ ಆಸರೆ ಸಕಲವೂ 
ಕಳಚಿಕೊಂಡು ;
ಓ ಅಂಬಿಗನೇ,
ಯಾವುದೊ ಒಂದಾಸರೆ ಮಧ್ಯಧಾರೆ
ಯಲಿ  ಸಿಕ್ಕರೆ
ಅದು, ಎನ್ನಯಾ ಆಸರೆಯು

ಅನಂಗಚಿತ್ತದ ಅವಿರತ ಹೊಳಹು

ಅದು ಎಲ್ಲದು
ಅಳಿಸಿಸಿಕೊಂಡು ನಡೆ
ನಡೆದೂ ಉಳಿದುದರಿಂದ ಜೀವ
ನ ಮತ್ತೆ ಶುರುವೇ ಆಯಿತು
ಯಾವುದೋ ವಿವರದ ಉಳಿದರ್ಧ
ದಿಂದ ಶುರುವಾಗುವ ಈ ಟಿಪಿ
ಕಲ್ಲು ಕವನದ ಮುಕ್ತಾ
ಂತ ಸಾಲುಗಳು ಮುಂದುವರಿದಂತೆ ಹೊಸತು
ಸಂದರ್ಭಗಳಿಗೊಳಪಟ್ಟು ಒಟ್ಟಂದ
ದರ್ಥ ಗೂಡುತ್ತ ಗೂಢ ನಡೆಯಲಿ
ನಡೆವ ಬಗೆಯಲಿ 
ಯಾರನ್ನೋ ಇಳಿಸಿ ಬಿಟ್ಹೋಗಲು
ಎಂಬುದಾಗಿ
ಅಲ್ಲ, ಮತ್ತೆ ಹತ್ತಿಸಿ ಕೊಂಡ್ಹೋಗಲು ನಿಂದ ಕಾರು
ಹಿಂದಿಂದೇನೂ ತಿಳಿಯದಂತೋರ್ವನು ಬಂದು
ಏನಾದರೂ  ಸಹಾಯವಾಗಬಹುದೇ ಎಂದು ಇಹ
ದೊಳಗೆ ಕಳೆದ್ಹೋದುದರ ಪರ ಸುಳಿವನೀವಂತೆ
ಇಂದಿನೀಪುಟದೊಳು ನಿನ್ನೆಗೊಂಡಿಯನೊತ್ತಿದಾಗೆಂಬಂತೆ
ಯೂ ಅಲ್ಲವದು, ಭೂತದ ಹೊಳಹನಿಟ್ಟ ವರ್ತಮಾನ

        ****

ಮನಸ್ಸು ದೊಡ್ಡದು
ಮಾಡಿ ಕಡೆಗೂ ವ್ಯಾಲೆಂಟೈನು
ದಿನಾ ಅವಳಿಗಿಷ್ಟವೇ ಆಗುವ
ಪೆಂಡೆಂಟು ಉಡುಗೊರೆಯೆತ್ತಿ ಅವಳಂ
ಗಡಿಯಲಿ ಎದುರು ನಿಂದ
ರೂ ಗುರುತೇ ಇರದಂತೆ ಇದ್ದು ಬಿಟ್ಟಳು ರಂಡಿ
ಮಾರಾಯ ಅವಳು, ಮತ್ತೆ ಮತ್ತೇss
ರಿದಂತೆ ಮುತ್ತನಿನ್ಯಾರಿಗೋ ಈದೇ ಬಿಟ್ಟಳವಳಿಗದೇನಾಯ್ತಂ
ತದ್ದು ಸಹಿಸಲು ಸಾಧ್ಯವಿಲ್ಲದ್ದು
ಇದು ಇನ್ನು
ಡೈವೋರ್ಸು!

        ****

ನಿನ್ನಿಂದ ತೆಗೆಯದೇ
ನಿನ್ನ ನೀ
ಫೂಲು ಮಾಡಲಿಕ್ಕಾದೀತೆ?,
ತೆಗೆದು ಹಾಕುವ ಜಾಗವಿದ್ದು
ಹೋಗಿ ಅಳಿಸಿಸಿಕೊಂಡು ಬಂದಿದ್ದಾಳೆ
ಇದನೀಗನೀತನರಿಯುವುದೇ ಸರಿ
ಇಲ್ಲದೇ ಹೀಗೆ ಮುಂದೆ
ಹೋಗಲಾಗಲಿಕ್ಕಿಲ್ಲವಂತ...

(ಮುಂದುವರಿಯಬೇಕಿದೆ...)

------------------------------------------------------------------
ಇದು ಪ್ರತಿಸ್ಪಂದನ,
 "Eternal Sunshine of the Spotless Mind"  
ಎಂಬ  'ಅನೇರ ನಿರೂಪಣೆ 'ಯ ಸಿನೆಮಾಗೆ ...

ಇಜಾಝತ್ತು

ನನಗೋ
ದಿಗಿಲಿಕ್ಕಿಕೊಳ್ಳುತ್ತೆ
ದಶದಿಕ್ಕುಗಳಿಂದ ಕಾರ್
ಮುಗಿಲು ಢೀ ಹೊಡೆದು
ಮುತ್ತಿಕ್ಕುವಂತೆ ಎದೆ
ಬಿಚ್ಚಿ ಬಿರಿದು
ಕಿಲಕಿಲನೆ ಬಡಿಯುವಾ ಹೃದಯ
ಧಮನಿಗಳಲಿ ಧುಮ್ಮಿಕ್ಕುವ ನವ
ನವೋನ್ಮಾದದುಮ್ಮೇದಿಯ ನೆನೆ
ನೆನೆದಂತೆ ಹೀಗೆ
ನಡೆದು ಬಿಡುವುದೇ ಇದು
ನಡೆಯಬಾರದಿದ್ದಕ್ಕೆ  ತಡೆಯಿಲ್ಲವೇ..

    ***

ಮಾಯೆ!
ಎಂದೊಡನೆ ಕುಪ್ಪಳಿಸಿ
ಕಿರಿಚುತ್ತಾಳೆ ಉನ್ಮತ್ತ
ಕುಣಿಯುತ್ತಾಳೆ ಸ್ವಚ್ಛಂದ
ಬಿಗಿಯಲೆತ್ನಿಸುತ್ತೇನೆ ಹಿಡಿದು
ಸಡಿಲ ಜಾರುವ ಸ್ನಾಯುಗಳ
ದ್ವಂದ್ವಗಳಲಿ ಕಳವಳಿಸಿ
ಹೀಗೆ ಇದರೊಡನೆ ಏಗಿ
ಏಗಿ ನಡೆದಂತೆ ಕಾಲ
ತೇಗಿಯೂ ಬಿಡುವುದಾ ಹೇಗೆ?

    ***

ಈ ವಿಷಯೆ ನಶೆಯೇರಿದ ನಿಶೆ
ತಹತಹಿಸಿ ತಡಕಾಡುತ್ತೇನೆ
ಒಂದು ತೊಟ್ಟು
ಸುಧೆಗೆ,
ಸಿಕ್ಕೀತನ್ನುವದರಲ್ಲಿ ಶೀಶೆ
ಕೈಜಾರಿ ಉರುಳಿಬಿಡುತ್ತೆ
ಹಾ! ಮತ್ತೆ
ಸಿಕ್ಕಿ ಬಂದರೂ ಆಕಸ್ಮಿಕ
ಒಗ್ಗಿ ಬಂದರೂ ಸಹಜ
ಬಗ್ಗಿಸಿಕೊಂಡರೂ ಬೊಗಸೆಗೆ ತುಸು
ತುಸುವಾಗಿ ಸುಧೆ
ಸೋರಿ ಹೋಗುತ್ತೆ, ವಿವಶ,
ಇಜಾಝತ್ತ ಕಸಿಯುತ್ತ...

    ***

ಕಾಲದೊಡನೆ ದಾಪುಗಾ-
ಲೋಟದಿ ಸೋತು ಹೃದಯ
ನಿಂತೂ ಬಿಡುತ್ತೆ,
-ಹಾಗೊಮ್ಮೆ,
ತುಟಿಯಂಚಿನಲ್ಲಿ...

    ...__...

mathurAnagarapathi kAhe...